《目標》
😎：點啊你今日見網友，粒聲唔出，我都唔係Group問你喇
😈：睇緊戲，晏少少覆你
😎：Take your time enjoy bro
😈：訓未？
😎：未，我有酒，你有故事嗎？
😈：打比你
😎：放心，我唔會揚出去既，你去Staycation個日先會同佢地講啦
😈：應該係……但今日唔知聽日事，到時再講啦
😎：其實我覺得你太悲觀，既然佢都話開心就得，你咪盡量開心相處囉
😈：唔係我唔想樂觀，但你知我份人好少有咩好事發生
😎：係啊，你成世人都係黑仔多，或者就係儲晒所有運氣令你可以遇到佢，喂，賺晒啦！
😈：我知係好賺啊，所以我先心裡無底，我憑乜啊？何得何能？欲戴其冠必承其重啊兄弟
😎：你都識講啦，要努力做好自己，唔比自己後悔就得嘛
😈：講就易，做你都知有幾難啦
😎：佢搵十萬八萬一個月都唔出奇，你就……我唔可以話唔得，不如……你去買六合彩啦
😈：你見過我賭錢有贏過？
😎：咁又係，你都係正正經經寫野啦
😈：我依家連機都唔想打，只係想打字
😎：所以話令男人進步既，都係女人嫁喇，你當年幾瀟灑，想寫就寫，想停就停，依家你竟然想定落黎，不過我明既，如果係我我都會咁
😈：我覺得兩個人要長久，一定要平等，我盡追啦……
😎：唔認真咁講，生米煮成熟飯啦！但認真地講，唔係努力咁簡單，你需要既係改變啊
😈：改變咩呢？
😎：你係寫故事既，不如你諗下個結局係點啦
😈：結局唔夠膽諗
😎：我最近健身啊
😈：……不如你直接少少
😎：你會唔會都想健身？
😈：so gay……
😎：認真問，有邊個唔想有六舊腹肌先？
😈：我都想有
😎：咁你知唔知每個人都想要腹肌，但點解咁少人做到？
😈：因為要付出好大努力囉
😎：錯錯錯，無論任何人都要付出，但點解有人會做到，有人又做唔到？因為錯晒邏輯啊！
😈：大師，請繼續，弟子唔明啊
😎：人人都想要腹肌，但腹肌只係表面，你要諗埋，當你有腹肌既時候會點，好似你彎腰會無野頂住，你揀褲會多好多選擇著得好睇好多，當你遇到心儀既女仔時，你可以自豪，你唔需要收腹去扮無肚腩etc
😎：好多人話要為目標去努力，但太唔形象化喇，目標可能得一句，但你既得益係可以有無限想像，而呢種想像就可以令你可以堅持落去。我健身，係因為我想我女朋友結婚既時候，可以見到最好既我，我著西裝影相都可以靚好多，到時你地做兄弟，我都唔會輸蝕，唔咁長氣喇，你明就明，唔明就家明啦！
😈：我會諗下我同佢既過程同結局係點，多謝你聽我講咁多
😎：做兄弟講呢d，係喇，我結婚，你做伴郎啊！
😈：定好左日子未啊？
😎：定左喇，到Staycation個日會同大家講
😈：恭喜晒，我真心為你地開心啊
😎：多謝，不過結婚唔易啊，我呢種普通人都覺得好大壓力，好多時我都訓唔到……所以我明你依家有幾頭痛
😈：頂埋佢，你得既
😎：唔係我得唔得，而係點都要得，有好多野都係夾硬黎
😈：有咩需要幫手出聲啦
😎：無喇，我搞得掂既，反而你睇下阿豪啦，佢真係唔多妥，平時佢好計較，但今次佢拎支響三十出黎，幾皮野啊……我覺得佢一定有問題，只不過係group我地問都唔會問到，唯有等當日飲兩杯再問佢啦
😈：我都覺得好奇怪，同你一樣我都無問，我都想問佢係咪有絕症，但佢話得唔係就應該無事，身體既野我地幫唔到，其他野都應該幫到既
😎：係啦，咁到時我地夾佢飲多兩杯先再問啦
😈：好，到時再睇下點，我返到酒店喇，你都訓啦，再講
😎：再講，加油！
——
長傾·不見 第一回 @筆友
https://bit.ly/LongchatEP1
長傾·不見 最終回 @初見
https://bit.ly/LongchatEP34
好久 不見 第一回@久違
https://bit.ly/LongtimeEP1
好久 不見 第十一回@響
https://bit.ly/LongtimeEP11
筆友 結婚 在 [心情] 我們結婚了- 看板Penpal - 批踢踢實業坊 的推薦與評價
※ 編輯: ccgeass (36.238.112.189 臺灣), 02/13/2023 21:06:08
... <看更多>